不滿飯堂食物質素差爆粗鬧職員擲餐具　鬧事浸大生：幾十蚊畀啲屎我哋食

大學生要注意言行，浸會大學多名學生疑不滿飯堂食物質素差，趁QUIT HALL日（學期最後住宿舍的一天）到飯堂鬧事，期間有學生大罵食物難吃，爆粗鬧職員，另有學生將餐具擲落地發洩，引起外界關注。

昨日（21日）是浸大退宿日，據指鬧事學生部分是住蔡元培堂宿舍的浸大宿生，臨走前盡情發洩對飯堂食物質素差不滿，當日早上9時許，約15名男生在浸會大學學生宿舍飯堂「浸大食坊」內喧嘩大叫，有學生在場稱，

炸雞髀唔推出，海南雞好好的又取消，最好食係海南雞，我要燒春雞。

亦有學生稱，

菠菜還菠菜，意粉還意粉，點食？只有飲品係正常，最好味的飲品係咩？係可樂！仲有飲水機的水，有凍水有熱水，唔使錢。

其中一名身穿蔡元培堂足球隊波衫的男生，更數次將餐具擲在地上，之後對飯堂女職員稱，

靚女，成個宿舍我最鍾意你，你幫我反映下，食物好難食，好X難食，X你老X！畀幾十蚊，畀啲屎我哋食！我篤屎都好味啲！

學生又「建議」女職員應轉去港大或科大工作，又揚言浸大就快執笠。

浸大發言人回覆傳媒時表示，大學十分關注學生的行為和操守，學生事務處正了解事件，如發現有學生違規，將依據既定程序跟進。

事件曝光後，大批浸大學生在facebook專頁「HKBU Secrets」中留言，有人直斥涉事學生，「大學生喎....基本尊重都唔識，成個爛仔咁 ！冇D修行！ 你覺得難食未去第二到食唔好幫襯囉！」；有學生稱，「難食已經唔係新聞，阿姐都唔係煮果個，發脾氣以為自己好型？你可以選擇唔食！」；有學生稱，「明知難食重要食，咩玩法？」